وزیراعظم شہباز شریف کا دورہ سعودی عرب مکمل، جدہ سے اسلام آباد روانہ

فہد چوہدری

22nd Mar, 2025. 02:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم شہباز شریف کا دورہ سعودی عرب مکمل، جدہ سے اسلام آباد روانہ

اسلام آباد: وزیراعظم محمد شہباز شریف سعودی عرب کا سرکاری دورہ مکمل کرکے جدہ سے اسلام آباد کے لیے روانہ ہوگئے جب کہ گورنر جدہ عزت مآب شہزادہ سعود بن عبداللہ بن جلاوی نے وزیراعظم کو ایئرپورٹ پر رخصت کیا۔

وزیراعظم شہباز شریف نے 19 سے 22 مارچ 2025 تک سعودی عرب کا دورہ کیا جس کا مقصد پاکستان اور سعودی عرب کے درمیان دوطرفہ تعلقات کو مزید مستحکم کرنا، اقتصادی تعاون بڑھانا اور سرمایہ کاری کے مواقع کو فروغ دینا تھا۔

اس دوران وزیراعظم کی سعودی ولی عہد و وزیراعظم محمد بن سلمان سے ملاقات ہوئی جس میں دونوں رہنماؤں نے تجارت، شراکت داری اور اقتصادی تعاون کو بڑھانے کے طریقوں پر تبادلہ خیال کیا۔

وزیراعظم نے سعودی وزیر سرمایہ کاری خالد الفالح اور اقتصادی امور کے لیے تشکیل کردہ ٹاسک فورس کے سربراہ محمد التجویری سے بھی ملاقات کی۔ ان ملاقاتوں میں پاکستان میں سعودی سرمایہ کاری کے فروغ پر گفتگو ہوئی۔

وزیراعظم نے دورے کے اختتام پر مدینہ منورہ میں روضہ رسول ﷺ پر حاضری دی اور مکہ مکرمہ میں وفد کے ہمراہ عمرہ ادا کیا۔