کراچی: قائدآباد میں پولیس کیمپ پر کریکر حملہ، 3 اہلکاروں سمیت 4 افراد زخمی

ویب ڈیسک

28th Mar, 2025. 09:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: قائدآباد میں پولیس کیمپ پر کریکر حملہ، 3 اہلکاروں سمیت 4 افراد زخمی

لاڑکانہ: پولیس کی مبینہ ڈرون کارروائی میں ضعیف العمر میاں بیوی جاں بحق، 7 زخمی

کراچی کے علاقے قائدآباد میں پولیس کیمپ پر کریکر حملہ ہوا جس میں 3 اہلکاروں سمیت 4 افراد زخمی ہوگئے۔

پولیس کے مطابق قائدآباد میں پولیس کیمپ پر موٹرسائیکل پر سوار 2 ملزمان نے کریکر پھینکا جس کے نتیجے میں 3 پولیس اہلکار اور ایک راہ گیر زخمی ہوا۔

پولیس کا کہنا ہے کہ تمام زخمی اہلکاروں کو اسپتال منتقل کردیا گیا ہے جبکہ ایک زخمی پولیس اہلکار کی شناخت جنید کےنام سے ہوئی۔

ایس ایس پی ملیر کے مطابق جائے وقوعہ سیل کر کے تحقیقات شروع کردی گئی ہیں۔

دوسری جانب ڈی آئی جی ایسٹ عثمان غنی نے قائد آباد پولیس کیمپ پر حملے کا نوٹس لے لیا اور باقی کیمپس کے اہلکاروں کو ہائی الرٹ کردیا۔

ڈی آئی جی ایسٹ نے واقعے کی تحقیقات کا حکم دیتے ہوئے کہا کہ پولیس اہلکار پہلے اپنی حفاظت کو یقینی بنائیں تاکہ عوام کی حفاظت کر سکیں، پولیس اہلکار اپنی جان پر کھیل کر عوام کی حفاظت کرتے ہیں اور کرتے رہیں گے۔