ترجمان دفتر خارجہ نے اعلان کیا ہے کہ نائب وزیراعظم اسحاق ڈار 7 مارچ 2025 کو سعودی عرب میں ہونے والے او آئی سی وزرائے خارجہ کونسل کے غیر معمولی اجلاس میں شرکت کے لیے روانہ ہوں گے۔
او آئی سی وزرائے خارجہ کونسل کا یہ غیر معمولی اجلاس جدہ میں منعقد ہوگا جس میں او آئی سی رکن ممالک کے وزرائے خارجہ اور سینئر اہلکار شریک ہوں گے۔
اجلاس میں فلسطین میں اسرائیلی جارحیت سے پیدا ہونے والی سنگین صورتحال پر غور کیا جائے گا۔
نائب وزیراعظم اسحاق ڈار اجلاس میں پاکستان کی فلسطینی کاز کے ساتھ غیر متزلزل حمایت کا اعادہ کریں گے اور تمام مقبوضہ فلسطینی علاقوں، بشمول بیت المقدس، سے مکمل اسرائیلی انخلاء کا مطالبہ کریں گے۔
اس اجلاس میں پاکستان کا موقف واضح طور پر پیش کیا جائے گا کہ فلسطینی عوام کے حقوق کا دفاع عالمی سطح پر اہمیت رکھتا ہے اور اس مسئلے کا حل انصاف پر مبنی ہونا چاہیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
