کراچی، شبِ قدر کے موقع پر سیکیورٹی کے سخت انتظامات، 11,600 پولیس اہلکار تعینات

ویب ڈیسک

27th Mar, 2025. 07:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، شبِ قدر کے موقع پر سیکیورٹی کے سخت انتظامات، 11,600 پولیس اہلکار تعینات

شبِ قدر کے موقع پر شہریوں کی حفاظت اور امن و امان کی صورتحال کو یقینی بنانے کے لیے پولیس نے سخت سیکیورٹی انتظامات کیے ہیں۔

تمام مساجد، امام بارگاہوں اور دیگر اجتماعات کے مقامات پر سیکیورٹی کے لیے 11,600 پولیس اہلکار تعینات کیے گئے ہیں۔

پولیس کی جانب سے حساس مقامات پر اضافی نفری تعینات کی گئی ہے، جبکہ داخلی اور خارجی راستوں پر چیکنگ کے نظام کو مزید سخت کر دیا گیا ہے۔

گشت کے نظام کو بھی مزید مؤثر بنایا گیا ہے تاکہ کسی بھی ممکنہ ناخوشگوار واقعے سے بچا جا سکے۔

پولیس چیف نے شہریوں سے اپیل کی ہے کہ وہ کسی بھی مشکوک سرگرمی یا مشکوک افراد کو فوری طور پر قریبی پولیس اسٹیشن یا مددگار 15 پر اطلاع دیں، تاکہ کسی بھی ناخوشگوار واقعے کا بروقت سدباب کیا جا سکے۔

یہ اقدامات شہریوں کی حفاظت کے لیے کیے گئے ہیں تاکہ شبِ قدر کی عبادات اور اجتماعات میں امن و سکون برقرار رکھا جا سکے۔ پولیس حکام کا کہنا ہے کہ سیکیورٹی فورسز ہر ممکن تدابیر کے ساتھ شہریوں کی حفاظت کو یقینی بنائیں گے۔