شرپسند عناصر کے ملک دشمن عزائم کو کبھی کامیاب نہیں ہونے دیں گے، وزیراعظم

ویب ڈیسک

27th Mar, 2025. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شرپسند عناصر کے ملک دشمن عزائم کو کبھی کامیاب نہیں ہونے دیں گے، وزیراعظم

اسلام آباد: وزیرِ اعظم محمد شہباز شریف نے کہا ہے کہ شرپسند عناصر کے ملک دشمن عزائم کو کبھی کامیاب نہیں ہونے دیں گے۔

وزیرِ اعظم شہباز شریف نے کلمت میں مسافروں پر فائرنگ کے واقعے کی شدید الفاظ میں مذمت کی اور واقعے میں 5 افراد کے جاں بحق ہونے پر گہرے دکھ اور رنج کا اظہار بھی کیا۔

وزیرِ اعظم نے واقعے میں زخمی ہونے والے فرد کو بہترین طبی سہولیات فراہم کرنے کی ہدایت دی اور جاں بحق افراد کی بلندی درجات اور اہل خانہ کیلئے صبر کی دعا بھی کی۔

شہباز شریف نے واقعے کی تحقیقات کر کے ذمہ داران کا تعین اور قرار واقعی سزا یقینی بنانے کی ہدایت دیتے ہوئے کہا کہ شرپسند عناصر بلوچستان کے امن و ترقی کے دشمن ہیں۔

انہوں نے مزید کہا کہ شر پسند عناصر کی معصوم لوگوں کے خلاف بزدلانہ کارروائیاں انکی حیوانیت کی واضح عکاسی کرتی ہیں، ان کے ملک دشمن عزائم کو کبھی کامیاب نہیں ہونے دیں گے۔