پنجاب اسمبلی کا پہلا پارلیمانی سال مکمل، کارکردگی رپورٹ جاری

ویب ڈیسک

17th Mar, 2025. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب اسمبلی کا پہلا پارلیمانی سال مکمل، کارکردگی رپورٹ جاری

لاہور: پنجاب اسمبلی نے 23 فروری تک اپنے پہلے پارلیمانی سال کے اختتام پر کارکردگی رپورٹ جاری کردی۔

رپورٹ کے مطابق پہلے پارلیمانی سال میں پنجاب اسمبلی نے 21 اجلاس منعقد کیے اور 106 دن کی نشستیں ہوئیں۔ پہلے سال میں 35 بل پیش کیے گئے جن میں سے 25 بل منظور ہوئے۔

رپورٹ میں بتایا گیا ہے کہ پرائیویٹ بلز کے 18 نوٹسز موصول ہوئے جن میں سے 8 ایڈمٹ ہوئے، 7 کمیٹیوں کو ریفر کیے گئے اور 3 بل منظور ہوئے۔

پہلے پارلیمانی سال میں تحریک استحقاق کے 86 نوٹسز موصول ہوئے جنہیں مکمل طور پر ایڈمٹ کر لیا گیا اور 46 نوٹسز کمیٹیوں کو ریفر کیے گئے۔

اسی طرح تحریک التوائے کار کے 679 نوٹسز موصول ہوئے جن میں سے 288 ایڈمٹ ہوئے اور 287 نوٹسز نمٹائے گئے۔

رپورٹ کے مطابق پنجاب اسمبلی کو 327 قراردادیں موصول ہوئیں جن میں سے 124 ایڈمٹ ہوئیں اور 38 قراردادیں منظور کی گئیں۔