سیکرٹری پیٹرولیم کا گیس پریشر کی شکایات پر آن گراؤنڈ معائنہ

ویب ڈیسک

03rd Mar, 2025. 06:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکرٹری پیٹرولیم کا گیس پریشر کی شکایات پر آن گراؤنڈ معائنہ

وزیراعظم کی ہدایت پر افطار کے اوقات میں گیس پریشر کی شکایات کا آن گراؤنڈ جائزہ لیا گیا۔

سیکرٹری پیٹرولیم ڈویژن مومن آغا نے راولپنڈی اور اسلام آباد کے مختلف علاقوں کا دورہ کیا، جہاں صارفین کی جانب سے کم گیس پریشر کی شکایات موصول ہو رہی تھیں۔

دورے کا مقصد خاص طور پر کم پریشر والے علاقوں میں گیس کی فراہمی کو یقینی بنانا تھا۔ سیکرٹری پیٹرولیم نے متعدد گھروں میں جا کر پریشر کے مسائل کی جانچ کی اور صارفین سے براہ راست ان کے مسائل کے بارے میں دریافت کیا۔

دورے کے دوران، چند گھروں میں گیس پریشر کے مسائل کی نشاندہی ہونے پر، سیکرٹری پیٹرولیم نے سوئی ناردرن گیس کمپنی کی ٹیم کو فوری طور پر ان مسائل کے حل کے لیے اقدامات کرنے کا حکم دیا۔

وزیراعظم کی ہدایت پر کیے جانے والے اس جائزے سے حکام نے گیس کی فراہمی کو بہتر بنانے کے لیے فوری اقدامات کرنے کا عزم ظاہر کیا ہے۔