خوارجی دہشتگردوں کے مذموم عزائم کو سب ملکر ناکام بنائیں گے، محسن نقوی

ویب ڈیسک

17th Mar, 2025. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خوارجی دہشتگردوں کے مذموم عزائم کو سب ملکر ناکام بنائیں گے، محسن نقوی

اسلام آباد: وفاقی وزیرداخلہ محسن نقوی نے کہا ہے کہ خوارجی دہشتگردوں کے مذموم عزائم کو سب ملکر ناکام بنائیں گے۔

وزیرداخلہ محسن نقوی نے خیبرپختونخوا کے 3 تھانوں پرخوارجی دہشتگردوں کے حملے ناکام بنانے پر پولیس کو خراج تحسین پیش کرتے ہوئے کہا کہ خوارجی دہشتگردوں کے ناپاک ارادوں کو خاک میں ملانے پر خیبرپختونخوا پولیس کے بہادر سپوتوں کو سلام پیش کرتے ہیں۔

انہوں نے کہا کہ کے پی کے پولیس نے بہادری کے ساتھ خوارجی دہشتگردوں کا مقابلہ کیا اور حملوں کو پسپا کیا، خوارجی دہشتگردوں کی سرکوبی کے لئے کے پی کے پولیس ہراول دستے کا کردار ادا کر رہی ہے۔

محسن نقوی نے مزید کہا کہ خیبرپختونخوا پولیس کے بہادر سپوتوں نے ہمیشہ دلیری سے خوارجی دہشتگردوں کا مقابلہ کیا ہے اور کر رہی ہے، انشاءاللہ خوارجی دہشت گردوں کے مذموم عزائم کو سب ملکر ناکام بنائیں گے۔