گورنر سندھ کا رمضان المبارک کے آغاز پر اہل وطن کو پیغام

ویب ڈیسک

01st Mar, 2025. 09:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر سندھ کا رمضان المبارک کے آغاز پر اہل وطن کو پیغام

گورنر سندھ کامران خان ٹیسوری نے رمضان المبارک کے مقدس مہینے کے آغاز پر قوم کو دل کی گہرائیوں سے مبارکباد دی۔

انہوں نے کہا کہ رمضان المبارک برکتوں، رحمتوں اور مغفرت کا مہینہ ہے، ہمیں اس کے فیوض و برکات سے زیادہ سے زیادہ مستفید ہونا چاہیے۔ انہوں نے مزید کہا کہ رمضان ہمیں صبر، برداشت، ایثار اور مساوات کا درس دیتا ہے۔

گورنر سندھ نے اس بات پر زور دیا کہ یہ مقدس مہینہ ہمیں غریبوں، محتاجوں اور کمزور طبقات کی تکالیف کا احساس دلاتا ہے، اور ضرورت مندوں کی مدد کرنا ہی حقیقی روحِ رمضان ہے۔

انہوں نے کہا کہ سحر و افطار میں غریبوں کو مت بھولیں، اور دوسروں کے لیے آسانیاں پیدا کرنا ہی رمضان کا اصل مقصد ہے۔

گورنر سندھ نے پاکستانی قوم سے اپیل کی کہ وہ اس رمضان المبارک میں ایثار و تعاون کے جذبے کے ساتھ غریبوں اور محتاجوں کی مدد کریں اور رمضان کے فیوض و برکات کو بھرپور طریقے سے حاصل کریں۔