نئے مالی سال کے بجٹ پر مشاورت کیلیے آئی ایم ایف وفد پاکستان کا دورہ کرے گا، ذرائع

ویب ڈیسک

27th Mar, 2025. 10:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نئے مالی سال کے بجٹ پر مشاورت کیلیے آئی ایم ایف وفد پاکستان کا دورہ کرے گا، ذرائع

ذرائع وزارت خزانہ کے مطابق عالمی مالیاتی فنڈ (آئی ایم ایف) کا ایک اور وفد جلد پاکستان کا دورہ کر سکتا ہے۔

اس دورے کا مقصد نئے مالی سال 2025-26 کے بجٹ پر مشاورت کرنا ہے، جس کے دوران آئی ایم ایف کے ساتھ ورچوئل بات چیت بھی جاری رہے گی۔ نئے مالی سال کا بجٹ جون کے پہلے ہفتے کے دوران پارلیمنٹ میں پیش کیا جائے گا۔

ذرائع کا کہنا ہے کہ آئی ایم ایف ٹیکس میں ریلیف دینے پر بھی آمادہ ہوگیا ہے، جس میں پراپرٹی کے حوالے سے ایک اہم تجویز شامل ہے۔

پراپرٹی کی پہلی ٹرانزیکشن پر فیڈرل ایکسائز ڈیوٹی ختم کرنے کی تجویز دی گئی ہے، جس کا مقصد پراپرٹی سیکٹر میں کاروبار کی حوصلہ افزائی کرنا ہے۔

ذرائع کے مطابق، فرسٹ ٹرانزیکشن پر فیڈرل ایکسائز ڈیوٹی کی چھوٹ دی جا سکتی ہے، جبکہ پراپرٹی سیکٹر میں دیگر ودہولڈنگ ٹیکسز برقرار رہیں گے۔

ذرائع کا کہنا ہے کہ پراپرٹی کی پہلی ٹرانزیکشن کے بعد ہر اگلی ٹرانزیکشن پر پورا ٹیکس وصول کیا جائے گا، اور پراپرٹی فروخت کرنے والوں پر ٹیکس کی موجودہ شرح برقرار رہے گی۔

تاہم، آئی ایم ایف نے رئیل اسٹیٹ سیکٹر کی ٹرانزیکشنز پر دیگر ٹیکسوں میں کمی کی مخالفت کی ہے، جس پر مزید مذاکرات جاری ہیں۔