وزیراعظم اور قازقستان صدر کےصدر کا ٹیلی فونک رابطہ، دوطرفہ تعاون پر تبادلہ خیال

ویب ڈیسک

31st Mar, 2025. 06:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم اور قازقستان صدر کےصدر کا ٹیلی فونک رابطہ، دوطرفہ تعاون پر تبادلہ خیال

وزیراعظم پاکستان محمد شہباز شریف اور قازقستان کے صدر عزت مآب قاسم جومارت توکایف کے درمیان ٹیلی فونک گفتگو ہوئی۔

ٹیلی فونک گفتگو میں دوطرفہ تعلقات، باہمی دلچسپی کے امور اور مختلف شعبوں میں تعاون کے فروغ پر تبادلہ خیال کیا گیا۔

وزیراعظم شہباز شریف نے قازق صدر اور عوام کو عید الفطر کی مبارکباد دی اور دونوں ممالک کے درمیان تعلقات کی مضبوطی پر اطمینان کا اظہار کیا۔

رہنماؤں نے زراعت، معیشت، تجارت، سرمایہ کاری، آئی ٹی اور مواصلات سمیت مختلف شعبوں میں تعاون کو مزید مستحکم کرنے پر اتفاق کیا۔

وزیراعظم نے پاکستان اور قازقستان کے درمیان دوطرفہ اشتراک کی مثبت پیشرفت کو سراہا اور اسے مزید وسعت دینے کے عزم کا اظہار کیا۔

اس موقع پر انہوں نے مئی میں قازقستان کے ایک اعلیٰ سطحی وفد کے پاکستان کے دورے کا ذکر کیا اور اس سال کے آخر میں قازق صدر کے متوقع دورۂ پاکستان کے لیے نیک خواہشات کا اظہار کیا۔

وزیراعظم نے امید ظاہر کی کہ دونوں ممالک کے درمیان اس طرح کے اعلیٰ سطحی تبادلے دوطرفہ تعاون کو نئی بلندیوں تک لے جانے میں معاون ثابت ہوں گے۔