کراچی کے ملیر ہالٹ برج کے قریب پیش آنے والے افسوسناک ایکسیڈنٹ میں جاں بحق ہونے والی فیملی کے لیے ڈی آئی جی ٹریفک کراچی پیر محمد شاہ نے گہرے دکھ کا اظہار کیا ہے۔
انہوں نے کہا کہ ہم متاثرہ فیملی کے غم میں برابر کے شریک ہیں اور قیمتی انسانی جانوں کے ضیاع پر دل سے افسوس ہے۔
حادثے کے ذمےدار واٹر ٹینکر کے ڈرائیور رحیم بخش ولد دل بادشاہ کو گرفتار کر لیا گیا ہے اور اس کے خلاف ماڈل کالونی تھانہ میں ایف آئی آر درج کر لی گئی ہے۔
ڈی آئی جی ٹریفک نے واضح کیا کہ گرفتار ڈرائیور کو قانون کے مطابق کیفر کردار تک پہنچایا جائے گا اور کسی قسم کی رعایت نہیں برتی جائے گی۔
انہوں نے مزید بتایا کہ ایکسیڈنٹ اینالیسس ٹیم نے جائے وقوعہ کا دورہ کیا ہے اور کرائم اینالیسس ٹیم تمام جدید تقاضوں کے مطابق تحقیقات کر رہی ہے۔
Advertisement
ڈی آئی جی ٹریفک نے کہا کہ ایکسیڈنٹ اینالیسس ٹیم کی رپورٹ مرتب کرنے کے بعد واٹر ٹینکر کے ڈرائیور کے خلاف مزید سخت کارروائی عمل میں لائی جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
