اسٹیٹ بینک 10 مارچ کو مانیٹری پالیسی کا اعلان کرے گا، شرح سود میں کمی کی توقع

ویب ڈیسک

06th Mar, 2025. 09:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹیٹ بینک 10 مارچ کو مانیٹری پالیسی کا اعلان کرے گا، شرح سود میں کمی کی توقع

اسٹیٹ بینک آف پاکستان نے اعلان کیا ہے کہ وہ 10 مارچ کو اپنی مانیٹری پالیسی کا اعلان کرے گا۔

مانیٹری پالیسی کمیٹی کا اجلاس پیر کے روز اسٹیٹ بینک کے مرکزی دفتر میں منعقد ہوگا، جس کے بعد اسٹیٹ بینک اپنی پالیسی کا اعلان پریس ریلیز کے ذریعے کرے گا۔

ماہرین کا خیال ہے کہ اس اجلاس میں اسٹیٹ بینک شرح سود میں کمی کا اعلان کر سکتا ہے، اور یہ کمی 100 سے 200 بیسس پوائنٹس تک ہو سکتی ہے۔ اس وقت ملک میں شرح سود 12 فیصد پر موجود ہے۔

اسٹیٹ بینک کی جانب سے شرح سود میں کمی کی توقع اس بات سے جڑی ہوئی ہے کہ ملک میں افراط زر کی شرح کم ترین سطح پر پہنچ چکی ہے، جس سے اقتصادی ترقی کے لیے سازگار ماحول پیدا ہو رہا ہے۔

اس حوالے سے فیڈریشن آف پاکستان چیمبر آف کامرس نے اسٹیٹ بینک سے شرح سود میں 500 بیسس پوائنٹس کی کمی کا مطالبہ کیا ہے۔

اسی طرح کراچی چیمبر آف کامرس نے بھی شرح سود میں کمی کی درخواست کی ہے تاکہ کاروباری سرگرمیوں کو مزید فروغ دیا جا سکے۔

مجموعی طور پر یہ توقع کی جا رہی ہے کہ اسٹیٹ بینک کا فیصلہ کاروباری طبقے اور معیشت کے لیے اہمیت کا حامل ہوگا اور اس سے معاشی استحکام میں مزید بہتری آ سکتی ہے۔