ذوالفقار علی بھٹو کو نشانِ پاکستان ملنا بھٹو اِزم کی فتح ہے، بلاول بھٹو

ویب ڈیسک

23rd Mar, 2025. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ذوالفقار علی بھٹو کو نشانِ پاکستان ملنا بھٹو اِزم کی فتح ہے، بلاول بھٹو

اسلام آباد: پاکستان پیپلز پارٹی کے چیئرمین بلاول بھٹو زرداری نے شہید ذوالفقار علی بھٹو کو بعد از شہادت نشانِ پاکستان کا اعزاز ملنے کو تاریخ کا اہم سنگِ میل قرار دیا ہے۔

اس موقع پر بلاول بھٹو زرداری کا کہنا تھا کہ پاکستان کے پہلے منتخب وزیرِاعظم اور آئینِ پاکستان کے خالق کو اعلیٰ ترین سول اعزاز ملنا بھٹوازم کے نظریے کی ایک اور فتح ہے۔

بلاول بھٹو کے مطابق یہ اعزاز شہید ذوالفقار علی بھٹو کی ملک کے لیے گراں قدر خدمات کا باضابطہ اعتراف ہے۔

چیئرمین پیپلزپارٹی نے کہا کہ قائدِ عوام نے پاکستانی عوام کو حقوق کے لیے جدوجہد کا شعور دیا اور ہمیشہ جمہوریت کے فروغ کے لیے کام کیا۔

انہوں نے کہا کہ وقت کے آمر نے فخرِ ایشیاء شہید ذوالفقار علی بھٹو کی آواز دبانے کی کوشش کی لیکن وہ آج بھی گڑھی خدا بخش سے راج کر رہے ہیں۔

بلاول بھٹو زرداری نے مزید کہا کہ پاکستان پیپلز پارٹی بھٹوازم کی پیروکار ہے اور ہمیشہ اپنے شہید بانی کے مشن پر کاربند رہے گی۔