واجبات کی عدم ادائیگی، اسٹیل مل ملازمین کا نیشنل ہائی وے پر دھرنا، ٹریفک کی روانی متاثر

ویب ڈیسک

01st Mar, 2025. 10:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واجبات کی عدم ادائیگی، اسٹیل مل ملازمین کا نیشنل ہائی وے پر دھرنا، ٹریفک کی روانی متاثر

اسٹیل ملز کے ملازمین نے واجبات کی عدم ادائیگی اور ملازمتوں سے نکالے جانے کے خلاف فیملیز کے ہمراہ نیشنل ہائی وے پر دھرنا دے دیا۔

دھرنے کے باعث نیشنل ہائی وے گزشتہ پانچ گھنٹوں سے ٹریفک کے لیے بند ہے، جس کی وجہ سے شہریوں کو شدید مشکلات کا سامنا ہے۔

ملازمین نے حکومت سے گولڈن ہینڈ شیک پیکیج دینے کا مطالبہ کیا ہے۔ ان کا کہنا ہے کہ اسٹیل مل کی بندش ریاست کا فیلئر ہے اور ہمیں اس کی سزا نہ دی جائے۔

ملازمین کا مزید کہا کہ اگر مالی پیکیج فراہم نہیں کیا گیا تو حکومت اسٹیل ٹاؤن کے مکانات خالی نہیں کرا سکے گی۔

ملازمین نے اپنی شکایات کا اظہار کرتے ہوئے کہا کہ بلاول بھٹو نے اسی مقام پر تقریر کرتے ہوئے اسٹیل مل چلانے کا وعدہ کیا تھا، لیکن آج پیپلز پارٹی کی اتحادی حکومت نے ہمیں بے روزگار کر دیا ہے۔

ملازمین نے خبردار کیا کہ اگر ان کے مطالبات منظور نہیں کیے گئے تو وہ نیشنل ہائی وے کے ساتھ ساتھ ریلوے ٹریک پر بھی احتجاج کرنے پر مجبور ہوں گے۔