حکومت کا نجی میڈیکل کالجوں کی فیسوں میں کمی کا بڑا فیصلہ

ویب ڈیسک

27th Mar, 2025. 06:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کا نجی میڈیکل کالجوں کی فیسوں میں کمی کا بڑا فیصلہ

حکومت نے ایم بی بی ایس اور بی ڈی ایس کے لیے نجی میڈیکل اور ڈینٹل کالجوں کی فیسوں کی حد مقرر کرنے کا اہم فیصلہ کیا ہے۔

وزیر اعظم کی ہدایت پر میڈیکل ایجوکیشن ریفارمز کے تحت یہ فیصلہ کیا گیا ہے، جس کے مطابق نجی میڈیکل کالجوں کی سالانہ فیس 18 لاکھ روپے تک محدود کر دی گئی ہے۔

یہ اقدام میڈیکل کالجوں میں فیسوں میں بے تحاشا اضافے پر قابو پانے اور فیسوں میں شفافیت کو یقینی بنانے کے لیے اٹھایا گیا ہے۔

والدین اور طلبہ کی جانب سے فیسوں میں اضافے کے حوالے سے عرصہ دراز سے جاری مطالبات کے پیش نظر، حکومت نے اس فیصلے کے ذریعے ان مسائل کو حل کرنے کی کوشش کی ہے۔

حکومت نے یہ فیصلہ کیا ہے کہ نجی میڈیکل کالجوں کو پاکستان میڈیکل اینڈ ڈینٹل کونسل (PM&DC) کو اپنی مالی تفصیلات فراہم کرنا ہوں گی اور فیسوں میں سالانہ اضافہ صرف صارف قیمت اشاریہ (CPI) کے مطابق کیا جائے گا۔

اس کے علاوہ، غیر ضروری فیسوں میں اضافے کی اجازت نہیں دی جائے گی۔

یہ فیصلہ میڈیکل ایجوکیشن کے شعبے میں اصلاحات کے تحت کیا گیا ہے، جس سے نہ صرف فیسوں میں کمی آئی گی بلکہ اس سے تعلیمی معیار میں بھی بہتری متوقع ہے۔