شہر کے علاقے ملیر ہالٹ کے قریب واٹر ٹینکر کی موٹر سائیکل کو ٹکر سے شوہر اور حاملہ بیوی جاں بحق ہوگئے۔
ریسکیو ذرائع کے مطابق، حادثے کے نتیجے میں خاتون اور مرد شدید زخمی ہوئے، جنہیں فوری طور پر اسپتال منتقل کیا گیا تاہم دونوں دم توڑ گئے۔
حادثے میں جاں بحق ہونے والی خاتون حاملہ تھی اور اس نے شدید زخمی حالت میں سڑک پر ہی بچے کو جنم دیا۔ قریب موجود افراد نے بچے کو فوراً اسپتال منتقل کیا مگر بچہ جانبر نہ ہو سکا اور اسپتال میں دم توڑ گیا۔
ریسکیو حکام نے جاں بحق ہونے والے شخص کی شناخت عبدالقیوم اور خاتون کی شناخت زینب زوجہ عبدالقیوم کے نام سے کی۔
پولیس کے مطابق حادثے کے بعد مشتعل عوام نے واٹر ٹینکر کو آگ لگانے کی کوشش کی۔ واٹر ٹینکر کا ڈرائیور موقع سے فرار ہوگیا تاہم اسے گرفتار کرلیا گیا۔
Advertisement
پولیس اور سیکیورٹی اداروں کے اہلکار فوری طور پر موقع پر پہنچے اور ٹریفک کی روانی بحال کی۔
ایس ایس پی کورنگی طارق نواز نے بتایا کہ پولیس نے ٹینکر کے ڈرائیور اور ہیلپر کو گرفتار کرلیا ہے، اور دونوں کے خلاف مقدمہ درج کیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
