جے ایف 17 تھنڈرز کا اہم سنگ میل، آذربائیجان ائیرفورس میں شمولیت میں صرف چند ماہ باقی رہ گئے ہیں۔

جے ایف 17 تھنڈرز کی آذرربائیجان ائیر فورس میں شمولیت کی تیاریاں حتمی مرحلے میں داخل ہوگئی ہیں، جبکہ پاکستان میں آذری ائیرفورس کے پائلٹس کی تربیت مکمل ہونے کے قریب ہے۔

ذرائع کے مطابق پاکستان آذربائیجان کو جے ایف 17 تھنڈر بلاک تھری طیارے فروخت کر رہا ہے، اس طرح آذربائیجان جے ایف 17 تھنڈر بلاک تھری طیارے استعمال کرنے والا دوسرا ملک ہوگا۔

مجموعی طور پر آزربائیجان پاکستان سے جے ایف 17 تھنڈر طیارے خریدنے والا تیسرا ملک ہے، پاکستان میں تربیت مکمل کرنے والے پائلٹس جے ایف 17 تھنڈرز کو اڑا کر آذربائیجان لے جائیں گے۔

پاک فضائیہ پاکستان سے آذربائِجان تک جے ایف 17 تھنڈرز کی نان اسٹاپ پرواز کا مظاہرہ کر چکی ہے، جبکہ آذربائیجان جاتے ہوئے پاک فضائیہ نے  تھنڈرز کو الیوشن 78 طیارے سے ری فیول کیا تھا۔

 جے ایف 17 تھنڈر بلاک تھری اے ای ایس اے ریڈار اور نظر کی حد سے آگے مار کرنے والے میزائلوں سے لیس 4.5 جنریشن لڑا کا طیارہ ہے۔

 کثیر المقاصد جے ایف 17 تھنڈر مختلف حربی مشنز کو پایہ تکمیل تک پہنچانے کی صلاحیت رکھتا ہے، جے ایف 17 تھنڈر بلاک تھری آذربائیجان کے نیشنل سیکیورٹی پیراڈائم کے لیے باعث تقویت ہوگا۔