شہبازشریف کی قیادت میں ہر آنے والا دن عام آدمی کیلئے آسانی لائے گا، رانا ثناء اللہ

ویب ڈیسک

31st Mar, 2025. 09:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہبازشریف کی قیادت میں ہر آنے والا دن عام آدمی کیلئے آسانی لائے گا، رانا ثناء اللہ

فیصل آباد: پاکستان مسلم لیگ ن کے رہنما رانا ثناء اللہ نے کہا کہ شہباز شریف کی قیادت میں ہر آنے والا دن عام آدمی کیلئے آسانی لائے گا۔

رانا ثناء اللہ نے نیوز کانفرنس کرتے ہوئے کہا کہ میری طرف سے اہل وطن کو دلی عید مبارک، ہماری عقیدت کے سب سے زیادہ مستحق شہداء ہیں، شہداء کی قربانی وجہ سے آج قوم عید کی خوشیاں منارہی ہے۔

انہوں نے کہا کہ دہشت گردی کا کوئی بھی جواز فراہم نہیں کرسکتا، شہباز شریف کی قیادت میں ملک معاشی بحران سے باہر نکل آیا، مہنگائی کی رفتار کم ہوئی ہے، ہر آنے والا دن عام آدمی کیلئے آسانی لائے گا۔

لیگی رہنما نے مزید کہا کہ پنجاب حکومت کی عام آدمی کی مشکلات پر توجہ مرکوز ہے، جنہوں نے نفرت کو سیاست کا محور بنایا وہ لوگ اپنے انجام کو پہنچے۔