وزیراعظم کا بنگلہ دیش کے چیف ایڈوائزر سے رابطہ، عیدالفطر کی مبارکباد

فہد چوہدری

31st Mar, 2025. 01:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا بنگلہ دیش کے چیف ایڈوائزر سے رابطہ، عیدالفطر کی مبارکباد

اسلام آباد: وزیر اعظم محمد شہباز شریف نے بنگلہ دیش کے چیف ایڈوائزر ڈاکٹر یونس سے ٹیلیفونک رابطہ کیا ہے۔

رابطے کے دوران وزیراعظم نے ڈاکٹر یونس کو عید الفطر کے موقع پر مبارکباد پیش کی اور دونوں ممالک کے درمیان دو طرفہ تعلقات بالخصوص تجارت اور سیاحت میں مثبت رفتار پر اپنے اطمینان کا اظہار کیا۔

دونوں رہنماؤں نے دوطرفہ تعلقات کو مزید مضبوط بنانے کی اپنی مشترکہ خواہش کا اعادہ کیا۔

وزیراعظم نے گفتگو کرتے ہوئے کہا کہ اپریل میں پاکستان کے نائب وزیراعظم کے دورہ ڈھاکہ کے حوالے سے پر امید ہیں، ایک تجارتی وفد بھی نائب وزیراعظم کے ہمراہ جائے گا۔

وزیراعظم نے تمام سطحوں پر دوطرفہ تعلقات کی بحالی کے لیے ادارہ جاتی نظام کو بحال کرنے کی ضرورت پر زور دیا اور دونوں ممالک کے مابین عوامی رابطوں کو فروغ دینے کے لیے ثقافتی وفود کے تبادلے پر بھی بات چیت کی۔

وزیراعظم نے بنگلہ دیش سے ثقافتی وفد کو پاکستان کے دورے پر بھیجنے کی تجویز دی اور کہا کہ وفد میں پرانے اور نئے فنکار بالخصوص لیجنڈ اداکارہ رونا لیلیٰ بھی شامل ہوں۔

اس دوران وزیراعظم نے بنگلہ دیش کے چیف ایڈوائزر کو پاکستان کا دورہ کرنے کی اپنی دعوت کا اعادہ بھی کیا۔