کمشنر کراچی نے آٹے کے نرخ مقرر کردیے

کفیل احمد

02nd Mar, 2025. 07:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کمشنر کراچی نے آٹے کے نرخ مقرر کردیے

کراچی: کمشنر کراچی نے آٹے کے نرخ مقرر کرتے ہوئے نوٹیفکیشن جاری کردیا۔

نوٹیفکیشن کے مطابق ڈھائی نمبر آٹا ہول سیل میں 83 روپے جب کہ ریٹیل میں 87 روپے فی کلو مقرر کیا گیا ہے۔

فائن آٹا کے سرکاری نرخ ہول سیل میں 88 روپے اور ریٹیل میں 92 روپے فی کلو مقرر کیے گئے ہیں جب کہ چکی آٹا کے نرخ 100 روپے فی کلو مقرر کیے گئے ہیں۔

یاد رہے کہ مارکیٹ مین فائن آٹا 90 سے 100 روپے فی کلو اور چکی آٹا 110 سے 115 روپے فی کلو میں فروخت کیا جا رہا ہے۔

ماہ رمضان کے لیے روٹی اور تندوری نان کے بھی سرکاری نرخ جاری کردیے گئے ہیں۔

100 گرام کی روٹی 10 روپے، تندوری نان 120 گرام 15 روپے جب کہ تندوری نان 140 سے 150 گرام 18 روپے اور تندوری نان 180 گرام کے سرکاری 23 روپے مقرر کر دیے گئے ہیں۔

واضح رہے کہ شہر میں تندوروں اور ہوٹلوں پر چپاتی اور روٹی 18 سے 20 روپے جب کہ تندوری نان بغیر وزن کے 25 سے 28 روپے میں فروخت کیا جارہا ہے۔