دہشت گردی کا نشانہ بننے والی جعفر ایکسپریس 16 روز بعد بحال

ویب ڈیسک

27th Mar, 2025. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دہشت گردی کا نشانہ بننے والی جعفر ایکسپریس 16 روز بعد بحال

پشاور: دہشت گردی کا نشانہ بننے والی جعفر ایکسپریس 16 روز بعد بحال ہوگئی۔

وفاقی وزیر امیر مقام اور ریلوے حکام کی موجودگی میں جعفر ایکسپریس ٹرین کو پشاور کینٹ ریلوے اسٹیشن سے روانہ کردیا گیا۔

جعفر ایکسپریس میں سفر کیلئے 280 مسافروں نے ریزرویشن کرائی اور پشاور سے 28 مسافر شامل ہوئے۔

جعفرایکسپریس پشاور سے پنجاب اور سندھ کے بعد بلوچستان میں داخل ہوگی اور 34گھنٹے سفر کے بعد کل شام پانچ بجے کوئٹہ پہنچے گی۔

اس موقع پر وفاقی وزیر امور کشمیر وگلگت انجینئر امیر مقام نے میڈیا سے گفتگو کرتے ہوئے کہا کہ جعفر ایکسپریس 16 روز بعد بحال ہوگئی، جو بلوچستان کی ترقی روکنا چاہتے ہیں انہیں مایوسی ہوئی۔

مزید پڑھیں: جعفر ایکسپریس پر حملہ ناکام، 33 دہشت گرد جہنم واصل، 21 شہری شہید، آئی ایس پی آر

انہوں نے مزید کہا کہ دہشت گردوں کے عزائم کامیاب نہیں ہونے دیں گے، وزیراعظم اور آرمی چیف ملکی سلامتی کیلئے پرعزم ہیں، دہشت گردوں کے آگے ہتھیارنہیں ڈالیں گے، پاک فوج کی حمایت میں پوری قوم متحد ہے، اتحاد ویگانگت سے چیلنجز پر قابو پایا جاسکتا ہے۔

امیر مقام نے مزید کہا کہ مخصوص جماعت نفرت اور شرانگیزی کی سیاست کررہی ہے، پی ٹی آئی محض اپنے سیاسی مفادات کیلئے دھرنے دیتی ہے، پی ٹی آئی رہنماؤں میں شدید اختلافات ہیں۔