ٹی ٹوئنٹی  سیریز کے ابتدائی 2 میچز ہارنے کے بعد پاکستان نے آج نیوزی لینڈ کو تیسرے میچ میں شاندار بیٹنگ کرتے ہوئے  میچ 9 وکٹ سے شکست دیدی۔

تیسرے ٹی ٹوئنٹی میچ میں نیوزی لینڈ پہلے بیٹنگ کرتے ہوئے 5 وکٹوں نے نقصان پر 205 رنز بنائے جسے قومی ٹیم نے ایک وکٹ کے نقصان پر حاصل کر لیا۔

آکلینڈ میں کھیلے والے میچ میں پاکستان نے نیوزی لینڈ کے خلاف ٹاس جیت کر پہلے بولنگ کا فیصلہ کیا تھا جو کہ درست ثابت ہوا، پاکستان ٹیم نے ہدف کےتعاقب کا آغاز نہایت شاندار انداز میں کیا، پاکستانی اوپنرز محمد حارث اور حسن نواز نے تیز بیٹنگ کر کے ٹیم کو ایک مضبوط آغاز فراہم کیا،

پہلی وکٹ گرنے کے بعد بھی پاکستانی بیٹرز نے بیٹنگ کوتیز رفتاری سے جاری رکھا اور 10 اوورزمیں اسکور 124 تک پہنچا دیا، اس دوران حسن نواز نےاپنی نصف سنچری بھی مکمل کی جبکہ دوسرے اینڈ سے کپتان سلمان آغا نے بھی تیز رن ریٹ کےساتھ بیٹنگ جاری رکھی۔

دونوں بیٹرزکی تیز بیٹنگ اور پارٹنرشپ کی بدولت پاکستان نےبا آسانی میچ 4 اوورز پہلے ختم کردیا۔ حسن نواز 105 اور سلمان آغا 51 رنز بنا کر ناٹ آؤٹ رہے۔

نیوزی لینڈ کی بیٹنگ

میچ کے آغاز میں ہی میں شاہین آفریدی نے کیوی بیٹر فن ایلن کو آؤٹ کر دیا، پہلی وکٹ گرنے کے بعد نیوزی لینڈ نے تیز بیٹنگ کر کے 4 اوورز میں اسکور 43 تک پہنچا دیا، تاہم ٹم سائفرٹ کو حارث رؤف نے 19 رنز پر آؤٹ کردیا، جبکہ تیسری وکٹ 98 رنزپرگری۔

چوتھی وکٹ 135 رنز پرگری، جمی نیشم صرف 4 رنز بناکرپویلین لوٹ گئے، نیوزی لینڈ کی پانچویں وکٹ 141 رنز پر گری، مارک چیپ مین نے شاندار اننگز کھیلی، وہ 44 گیندوں پر 97 رنزکر آؤٹ ہوگئے۔

 واضح رہے کہ نیوزی لینڈ کو پانچ میچوں کی سیریز میں 1-2 کی برتری حاصل ہے۔