مصطفیٰ قتل کیس؛ ملزمان کی کراچی واپسی کی سی سی ٹی وی فوٹیج سامنے آگئی

ویب ڈیسک

22nd Mar, 2025. 01:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مصطفیٰ قتل کیس؛ ملزمان کی کراچی واپسی کی سی سی ٹی وی فوٹیج سامنے آگئی

مصطفیٰ عامر قتل کیس میں گرفتار ملزمان ارمغان اور شیراز سے متعلق اہم سی سی ٹی وی فوٹیج سامنے آگئی۔

مصطفیٰ عامر قتل کیس میں گرفتار ملزمان ارمغان اور شیراز سے متعلق اہم سی سی ٹی وی فوٹیج بول نیوز کو موصول ہوگئی ہے۔

فوٹیج میں دونوں ملزمان کو ایک کھلی سوزوکی میں بیٹھ کر کراچی واپس آتے دیکھا جاسکتا ہے جب کہ مصطفیٰ عامر کو دریجی میں قتل کرنے کے بعد ملزمان ارمغان اور شیراز کئی گھنٹے پیدل سفر کرتے رہے۔

سی سی ٹی وی فوٹیج میں واضح طور پر دیکھا جا سکتا ہے کہ ملزمان نے ایک سوزوکی گاڑی کو روکا اور کراچی تک پہنچنے کے لیے تین ہزار روپے دے کر لفٹ لی۔

فوٹیج میں دونوں ملزمان کو ہمدرد چوکی روڈ پر سوزوکی میں بیٹھ کر گزرتے دیکھا گیا جس کے بعد وہ فور کے چورنگی کی جانب روانہ ہوئے۔

پولیس کے مطابق گرفتار ملزمان نے دوران تفتیش اعتراف کیا کہ مصطفیٰ عامر کو قتل کرنے کے بعد انہوں نے کراچی واپسی کے لیے سوزوکی گاڑی کا استعمال کیا تھا۔