ای سی سی اجلاس میں ریکوڈک منصوبے میں تبدیلیوں کی منظوری

ویب ڈیسک

25th Mar, 2025. 08:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ای سی سی اجلاس میں ریکوڈک منصوبے میں تبدیلیوں کی منظوری

وزیر خزانہ محمد اورنگزیب کی زیر صدارت اقتصادی رابطہ کمیٹی (ای سی سی) کا اجلاس اسلام آباد میں ہوا، جس میں چین سے ورچوئلی اجلاس کی صدارت کی گئی۔

اجلاس میں اہم فیصلے کیے گئے جن میں ریکوڈک منصوبے کے ترقیاتی منصوبے میں تبدیلیوں کی منظوری اور منصوبے کے مالیاتی وعدوں پر غور شامل تھا۔

ای سی سی نے ریکوڈک منصوبے کے دائرہ کار میں اضافے اور افراط زر پر تبادلہ خیال کیا، اور منصوبے کی بروقت تکمیل کے لیے مکمل تعاون کا یقین دلایا۔

وزیر خزانہ نے اجلاس کے دوران اس بات پر زور دیا کہ منصوبے کی پیشرفت کے تمام پہلوؤں کا بغور جائزہ لیا جائے تاکہ ترقیاتی عمل تیز رفتار اور مؤثر ہو۔

اس کے علاوہ، بین الصوبائی رابطہ کی وزارت کے لیے اسکردو میں پی ایس بی کوچنگ سینٹر کی تعمیر کے لیے 20 کروڑ روپے کی گرانٹ منظور کی گئی۔

ای سی سی نے اس بات پر زور دیا کہ اس سہولت کو فعال رکھا جائے تاکہ قومی اور بین الاقوامی سطح پر کھلاڑیوں کو اعلیٰ تربیت کی سہولت فراہم کی جا سکے۔

اسکردو میں یہ کوچنگ سینٹر کھیلوں کی سہولت فراہم کرنے کے لیے تعمیر کیا جائے گا، جو کھلاڑیوں کی بہترین تربیت کے لیے اہم سنگ میل ثابت ہوگا۔