وزیراعلیٰ سندھ سید مراد علی شاہ نے کہا کہ کبھی یہ دعویٰ نہیں کیاکہ ہم یہ کام پہلی بار کررہےہیں۔

وزیراعلیٰ سندھ سید مراد علی شاہ نے سندھ کی ایک سال کی کار کردگی پر تقریب سے خطاب کرتے ہوئے کہا کہ قائداعظم اور ذوالفقار بھٹو کا وژن آگے بڑھارہےہیں، سندھ حکومت نےڈیجیٹائزیشن پربہت زیادہ فوکس کیا، کمپیوٹر اور آرٹی فیشل انٹیلی جنس کادور ہے۔

وزیراعلیٰ سندھ نے کہا کہ جب ہم پڑھتےتھےتوہمیں سوال سکھایاجاتاتھا، اب دور آگیاہےکہ سوال کیسے پوچھاجائے، آپ کی صلاحیت یہ ہونی چاہیےسوال کونساپوچھیں جس کاجواب مل سکے۔

مرادعلی شاہ کا یہ بھی کہنا تھا کہ بلاول بھٹو نے گزشتہ سال اکتوبر میں سندھ ہاری کارڈ کا اجرا کیا تھا،2022 کےبعد سب سے پہلے ہاری کارڈ کااستعمال کیا، بینظیر ہاری کارڈ کے ذریعےکسانوں کوسہولت دی، کسانوں میں 10 ارب روپےتقسیم کیے۔

وزیراعلیٰ سندھ نے کہا کہ کراچی میں بھی ترقیاتی منصوبوں پر کام جاری ہے، سندھ حکومت نےبہت سےعوامی منصوبوں کوشروع کیا ہے، جبکہ سندھ حکومت نےگورننس کوبہتر بنانے کی کوشش کی ہے۔

مراد علی شاہ کا یہ بھی کہنا تھا کہ وافر گندم موجودہے، اس سال نہیں خریدیں گے، ایک سال میں جوکچھ کرسکتے تھےوہ کیا، 6 اسکالرشپ آکسفورڈیونیورسٹی کےلیےجاری کی گئیں۔

وزیراعلیٰ سندھ نے مزید یہ بھی کہا کہ 12 ہزارنجی اسکولوں میں 40 لاکھ بچے پڑھتےہیں، بلدیہ کےعلاقےمیں این آئی سی وی ڈی بنارہےہیں، تھرپارکر اور اطراف کے علاقوں میں سولر پینلز لگائے، سرکاری اسپتالوں کوشمسی توانائی پرمنتقل کیاجارہاہے۔