چیف جسٹس کا عدالتی نظام میں شفافیت اور احتساب کو مزید بہتر بنانے پر زور

ذوالقرنین اقبال

25th Mar, 2025. 03:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف جسٹس کا عدالتی نظام میں شفافیت اور احتساب کو مزید بہتر بنانے پر زور

اسلام آباد: چیف جسٹس یحییٰ آفریدی کی زیر صدارت اجلاس ہوا جس میں عدالتی اصلاحات کا جائزہ لیا گیا۔

چیف جسٹس یحییٰ آفریدی کی زیر صدارت اجلاس میں سپریم کورٹ کے مختلف شعبوں کے سربراہان نے شرکت کی۔ اجلاس میں عدالتی اصلاحات، شفافیت اور احتساب کے امور کا جائزہ لیا گیا۔

چیف جسٹس نے عدالتی نظام میں آسان رسائی، شفافیت اور احتساب کو مزید بہتر بنانے پر زور دیا۔

انہوں نے کہا کہ اصلاحات کا مقصد صرف مقدمات کا بوجھ کم کرنا نہیں بلکہ سائلین کو بروقت انصاف کی فراہمی یقینی بنانا ہے۔

چیف جسٹس کے مطابق سائلین انصاف کے نظام کے بنیادی اسٹیک ہولڈرز ہیں اور ان کے ساتھ عزت و احترام سے پیش آنا عدلیہ کے تاثر کو بہتر بناتا ہے۔

اجلاس میں ای فائلنگ نظام کے کامیاب عمل درآمد کا بھی جائزہ لیا گیا جب کہ عدالتی طریقہ کار میں مزید بہتری کے لیے مختلف تجاویز پر تبادلہ خیال کیا گیا۔