مقبوضہ کشمیر میں سیاحوں پر حملہ، پاکستان کا ردعمل سامنے آگیا

سلمان علی اعوان

23rd Apr, 2025. 11:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر میں سیاحوں پر حملہ، پاکستان کا ردعمل سامنے آگیا

افغان سفیر کی دفتر خارجہ طلبی، بھارت افغانستان مشترکہ اعلامیے پر شدید تحفظات کا اظہار

اسلام آباد: مقبوضہ جموں و کشمیر کے ضلع اننت ناگ کے علاقے پہلگام میں حملے کے نتیجے میں سیاحوں کی ہلاکت پر پاکستان کا ردعمل سامنے آگیا ہے۔

دفتر خارجہ کے ترجمان شفقت علی خان نے حملے پر میڈیا کے سوالات کا جواب دیتے ہوئے کہا کہ پاکستان کو مقبوضہ جموں و کشمیر میں سیاحوں کے جانی نقصان پر تشویش ہے۔

ترجمان دفتر خارجہ نے مزید کہا کہ پاکستان ہلاک ہونے والوں کے عزیز و اقارب سے اظہار تعزیت کرتا ہے، زخمیوں کی جلد صحت یابی کے لیے نیک تمناؤں کا اظہار کرتے ہیں۔

مزید پڑھیں: مقبوضہ کشمیر؛ پہلگام میں سیاحوں پر حملہ، حسبِ روایت بھارتی میڈیا کا جھوٹا پروپیگنڈا جاری

واضح رہے کہ گزشتہ روز مقبوضہ کشمیر کے سیاحتی مقام پہلگام میں نامعلوم افراد کی فائرنگ سے کم از کم 26 افراد ہلاک جبکہ 12 زخمی ہو گئے۔

بھارتی میڈیا کے مطابق سیاحوں میں سے ہلاک اور زخمی ہونے والے زیادہ تر افراد کا تعلق بھارتی ریاست گجرات اور کرناٹکا سے ہے۔

حملے کے بعد بھارتی میڈیا نے بغیر ثبوت پاکستان کے خلاف زہر اگلنا شروع کر دیا، حملہ ہوا تو فوراً سوشل میڈیا پر ’’پاکستان کا ہاتھ‘‘ کا بیانیہ چلایا گیا اور بھارتی چینلز نے حملے کو ’’پاکستانی دہشت گردی‘‘ کہہ کر بیچا۔