کراچی: امیر جماعت اسلامی پاکستان حافظ نعیم الرحمان کی اپیل پر اہل غزہ و فلسطین سے اظہار یکجہتی کے لیے کراچی سمیت پورے ملک میں ہڑتال جاری ہے۔

اس موقع پر کراچی تاجر اتحاد کے صدر عتیق میر، کراچی الیکٹرونک ڈیلر ایسوسی ایشن کے صدر رضوان عرفان، گلبہار مارکیٹ ٹریڈرز ایسوسی ایشن کے صدر جاوید قریشی نے ہڑتال کی حمایت کا اعلان کیا ہے۔

اس کے علاوہ آل پاکستان ماربل ایسوسی ایشن کے جنرل سیکرٹری راحت شاہ، صرافہ مارکیٹ کے چیئرمین حنیف موسیٰ، زرگراں مارکیٹ کے وائس چیئرمین شکیل احمد چوڑی والا نے بھی آج کی ہڑتال کی مکمل حمایت کی ہے۔

آرام باغ الیکٹرک مارکیٹ کے سکریٹری اطلاعات شاہان حنیف اور معین اسٹیل مارکیٹ کے تاجروں نے بھی دوکانیں بند رکھ کر ہڑتال کی مکمل حمایت کا اعلان کیا۔

کوآپریٹو مارکیٹ کے جنرل سیکرٹری اسلم خان ، پیپر مارکیٹ کے سید لیاقت علی، ڈاندیا بازار کے رہنماؤں زبیر مدنی، اسماعیل اگریہ اور انوار میمن نے بھی آج دوکانیں اور مارکیٹیں بند رکھ کر ہڑتال کی مکمل حمایت کا اعلان کیا ہے۔

کراچی بار ایسوسی ایشن کے عہدیداران نے آج کی ہڑتال کی مکمل حمایت کرتے ہوئے عدالتی کارروائی بند کرنے کا نوٹی فکیشن بھی جاری کردیا، جبکہ سندھ ہائی کورٹ بار ایسوسی ایشن کے عہدیداران نے آج کی ہڑتال کی مکمل حمایت کرتے ہوئے عدالتی کارروائی بند کرنے کا اعلامیہ بھی جاری کیا۔