صدر زرداری کی صحت اب کیسی ہے؟ ڈاکٹر عاصم کا بڑا بیان

ویب ڈیسک

05th Apr, 2025. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر زرداری کی صحت اب کیسی ہے؟ ڈاکٹر عاصم کا بڑا بیان

صدر مملکت آصف علی زرداری کی طبیعت سے متعلق ڈاکٹر عاصم حسین کا بیان سامنے آگیا۔

صدر آصف علی زرداری کی صحت سے متعلق ڈاکٹر عاصم نے میڈیا سے گفتگو کرتے ہوئے کہا کہ میں اپنا فرض سمجھتا ہوں کہ آپ سب کوبتاؤں اصل میں ہوا کیا تھا۔

ڈاکٹرعاصم حسین نے کہا کہ سوشل میڈیا اور بھارتی چینل بے بنیاد من گھڑت خبریں چلا رہے ہیں، عید کی نماز میں صدر آصف زرداری کی طبیعت خراب ہوئی تھی۔

انہوں نے بتایا کہ صدر زرداری کی طبیعت بہتر ہے، پریشانی کی بات نہیں۔ نواب شاہ میں صحت کی سہولت نہیں ہیں جس کے باعث پیر کی رات صدر مملکت کو نواب شاہ سے کراچی لائے۔

ڈاکٹرعاصم کہتے ہیں کہ میں رات کو نوابشاہ پہنچا تو اندازہ ہوگیا کہ کراچی لانا پڑے گا۔ پیر کی رات صدر زرداری کو کراچی لے آئے اور ٹیسٹ شروع کیے جب کہ ٹیسٹ سے ثابت ہوا کہ صدر زرداری کو کورونا ہوگیا ہے۔

ڈاکٹرعاصم حسین نے مزید بتایا کہ ہم نے کورونا کا علاج شروع کیا، کچھ ایسی دوائیاں آگئیں جو پاکستان میں نہیں ملتیں انہیں باہر سے منگوایا گیا جب کہ آصف زرداری کل یا پرسوں اسپتال سے ڈسچارج ہوجائیں گے۔