لاہور: مودی کے جنگی جنون نے پاکستان اور بھارت کے درمیان نقرتوں ہی کو پروان نہیں چڑھایا بلکہ نوبیاہتا جوڑے کی طویل جدائی کا سبب بن گیا۔

مودی حکومت کی جانب سے پاکستانی شہریوں پر پابندی کے اعلان کے بعد نوبیاہتا بھارتی دلہن ذکیہ فردوس اپنے پاکستانی شوہرصاحبزادہ منادی احمد کو اٹاری واہگہ بارڈر پر الوداع کرتے ہوئے آبدیدہ ہوگئیں۔

نوباہتا چوڑے نے واہگہ بارڈر پر گلے لگ کرنم آنکھوں کے ساتھ ایک دوسرے کو رخصت کیا۔ حال ہی میں رشتہ ازدواج سے منسلک ہونے والے ذکیہ فردوس اورصاحبزادہ منادی احمد مودی کے جنگی جنون کی بھینٹ چڑھ کر جدا ہونے پر مجبور ہوگئے۔

بھارتی حکومت کی مسلسل اشتعال انگیزی اور بے وجہ کی الزام تراشیوں نے دونوں ممالک میں نفرتوں کی لکیربڑھا دی ہے، کھیل ، شوبز اور گلوکاری کے شعبے میں بھی دونوں ممالک کے درمیان جوتھوڑا بہت تعاون باقی رہ گہا تھا وہ بھی ختم ہوتا دکھائی دے رہا ہے۔

نئی دہلی، ممبئی، آگرا، لکھنئو ہی نہیں بلکہ کشمیر میں بھی بھارتی مسلم خواتین نے پاکستانیوں سے شادیاں کررکھی ہیں جو وہیں آباد ہیں۔

بعض بھارتی مسلمان مردوں نے بھی پاکستانی خواتین سے شادیاں کی ہیں جو پاکستان میں ہیں۔ مودی سرکار کے اقدامات ایسے سیکڑوں جوڑوں کے درمیان طویل جدائی کا سبب بن گئے۔

ایسی ان گنت کہانیاں ہیں جو بھارتی انتہاپسند رویے کی بھینٹ چڑھ رہی ہیں، مودی سرکار کسی بھی طرح پاکستان کے وجود کو تسلیم کرنے کے لئے تیار ہی نہیں، یہ انتہا پسندانہ رویہ مودی سرکار کی مکروہ شناخت ہے جو اب بے نقاب ہوچکی۔