گورنر سندھ کی کراچی کی ترقی کے لئے وفاق سے 100 ارب روپے گرانٹ کی درخواست

ویب ڈیسک

07th Apr, 2025. 06:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر سندھ کی کراچی کی ترقی کے لئے وفاق سے 100 ارب روپے گرانٹ کی درخواست

کراچی: گورنر سندھ کامران ٹیسوری نے وزیر اعظم شہباز شریف سے کراچی کے لیے 100 ارب کا ترقیاتی پیکج منظور کرنے کا مطالبہ کردیا۔

گورنر سندھ کامران ٹیسوری نے وزیر اعظم کو خط ارسال کیا ہے جس میں کراچی کی ترقی کے لیے 100 ارب روپے کا ترقیاتی پیکج منظور کرنے کی درخواست کی گئی ہے۔

خط میں گورنر سندھ نے کہا کہ کراچی کی ترقی کے لیے وفاقی حکومت سے فوری فنڈز جاری کرنے کی ضرورت ہے۔

خط میں مزید کہا گیا ہے کہ کراچی کے ترقیاتی منصوبوں کے لیے گرانٹ ناگزیر ہے اور وفاقی حکومت کو اس ضمن میں فوری اقدامات اٹھانے چاہیے۔

کامران ٹیسوری نے اپنے خط میں کراچی کے شہریوں کے مسائل کے حل کو قومی ترقی کے لیے ضروری قرار دیا ہے۔

گورنر سندھ نے اس بات پر بھی زور دیا کہ وفاقی حکومت کراچی کی ترقی کے لیے اپنا کردار ادا کرے اور وفاقی منصوبوں کی تفصیلات تاحال موصول نہیں ہوئی ہیں۔

انہوں نے وزیر اعظم کو مشورہ دیا کہ وزیر اعظم کے کراچی کے دورے کے دوران کراچی کی ترقی کے لیے اس پیکج کا اعلان کیا جائے تاکہ شہر کی اہم ترقیاتی ضروریات کو پورا کیا جاسکے۔