خیبر پختونخوا: 3 مختلف کارروائیوں میں 15 خوارج کوواصل جہنم کردیاگیا، 2 جوان شہید

ویب ڈیسک

26th Apr, 2025. 11:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبر پختونخوا: 3 مختلف کارروائیوں میں 15 خوارج کوواصل جہنم کردیاگیا، 2 جوان شہید

روالپنڈی : پاک فوج نے پختونخوا کے مختلف اضلاع میں کارروائیوں کے دوران 15 خوارج کوواصل جہنم کردیاجبکہ 2 جوان جام شہادت نوش کرگئے ۔

پاک فوج کے تعلقات عامہ (آئی ایس پی آر) کے مطابق 25 اور 26 اپریل کی شپ خوارجی دہشتگردوں کی موجودگی کی اطلاع پر پختونخوا کے علاقے کرک،شمالی وزیرستان اور جنوبی وزیرستان میں 3 مختفل کارروائیاں کی گئیں۔

کرک میں کارروائی کے دوران 8 خوارج جبکہ شمالی وزیرستان میں 4 خوارج مارے گئے جبکہ دو جوان لانس نائیک عثمان محمد اور 26 سالہ سپاہی عمران خان بھی شہید ہوئے۔

جنوبی وزیرستان کے علاقے گومال زام میں 3 خواج دہشتگردوں کو واصل جہنم کیاگیا۔ آئی ایس پی آر کے مطابق ہلاک ہونے والے دہشتگردوں کے قبضے سے بھاری اسلحہ اور گولہ بارود برآمد ہوا۔

علاقے میں فورسز کا سرچ آپریشن جاری ہے ، مارے گئے تمام دہشتگرد فورسز پر حملوں اور دہشتگردی کی مختلف کارروائیوں میں مطلوب تھے