دی پولیس آرڈر (ترامیم) آرڈیننس 2025 کو باضابطہ قانونی شکل دینے کا فیصلہ

ویب ڈیسک

16th Apr, 2025. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دی پولیس آرڈر (ترامیم) آرڈیننس 2025 کو باضابطہ قانونی شکل دینے کا فیصلہ

لاہور: بہتر کارکردگی کے لیے کرائم کنٹرول ڈیپارٹمنٹ قائم کرنے کے معاملے پر دی پولیس آرڈر (ترامیم) آرڈیننس 2025 کو باضابطہ قانون کی شکل دینے کا فیصلہ کیا گیا ہے۔

حکومت پنجاب دی پولیس آرڈر (ترامیم) آرڈیننس 2025 کو باضابطہ قانون کی شکل دینے کے لیے بل آج پنجاب اسمبلی میں پیش کرے گی۔

بل پیش ہونے کے بعد قائمہ کمیٹی برائے داخلہ کے حوالے کیا جائے گا جس کے بعد کمیٹی دو ماہ تک ایوان میں رپورٹ پیش کرے گی۔

بعد از کمیٹی رپورٹ، آرڈیننس پنجاب اسمبلی سے بذریعہ رائے منظور کروایا جائے گا، اسمبلی اجلاس نا ہونے کی باعث بذریعہ گورنر آرڈیننس چار ماہ کے لیے ڈیپارٹمنٹ قائم کرنے کی اجازت ملی تھی۔

آرڈیننس کے متن میں کہا گیا ہے کہ کرائم کنٹرول ڈیپارٹمنٹ فورتھ شیڈول جرائم دیکھے گا، کرائم کنٹرول فورس کے نام سے اسپیشل فورس تشکیل دی جائے گی اور کرائم کنٹرول ڈیپارٹمنٹ کے سربراہ ایڈیشنل آئی جی پولیس ہوں گے۔

یاد رہے کہ گورنر پنجاب نے 4 اپریل کو پولیس آرڈر 2002 میں ترامیم کی اجازت دی، تاہم کرائم کنٹرول ڈیپارٹمنٹ گورنر آرڈیننس کے ذریعے اپنا کام کر رہا ہے۔