پی آئی اے کو 21 برس میں پہلی مرتبہ منافع؛ وزیراعظم کی مبارکباد

ویب ڈیسک

09th Apr, 2025. 11:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کو 21 برس میں پہلی مرتبہ منافع؛ وزیراعظم کی مبارکباد

اسلام آباد: پاکستان انٹرنیشنل ایئر لائنز (پی آئی اے) کو 21 برس میں پہلی مرتبہ منافع ہونے پر وزیراعظم محمد شہباز شریف کی جانب سے مبارکباد دی گئی ہے۔

وزیراعظم شہباز شریف نے سماجی رابطوں کی ویب سائٹ ایکس پر پیغام دیتے ہوئے کہا کہ الحمداللہ قوم کیلئے ایک اور خوشخبری! پاکستان انٹرنیشنل ایئر لائنز کو 20 برس میں پہلی مرتبہ منافع ہوا، جو کئی دہائیوں کے خسارے کے بعد ایک بڑی تبدیلی ہے۔

انہوں نے مزید کہا کہ خوش آئند ہے کہ مستقبل تابناک ہے، وزیرِ ہوابازی خواجہ آصف کی قیادت میں ٹیم کی کوششیں قابل ستائش ہیں۔

واضح رہے کہ پاکستان انٹرنیشنل ایئرلائنز (پی آئی اے) نے 21 سال کے طویل عرصے کے بعد سال 2024 میں خالص منافع حاصل کرنے کا اعزاز حاصل کیا ہے۔

پی آئی اے کے بورڈ آف ڈائریکٹرز نے کمپنی کے سالانہ نتائج کی منظوری دیتے ہوئے اعلان کیا کہ پی آئی اے نے 3.9 ارب روپے کا آپریشنل منافع جبکہ 2.26 ارب روپے کا خالص یا نیٹ منافع کمایا۔

پی آئی اے کا آپریٹنگ مارجن 12 فیصد سے زائد رہا جو دنیا کی کسی بھی بہترین ایئرلائین کی پرفارمنس کے ہم پلہ ہے، یہ نتائج پی آئی اے کی مالی کارکردگی میں نمایاں بہتری کی عکاسی کرتے ہیں اور ادارے کے مالی استحکام کی طرف ایک اہم قدم ہیں۔