وزیرخزانہ نے تنخواہ دار طبقے اور بجلی صارفین کو ریلیف دینے کی خوشخبری سنادی

عمر حیات خان

11th Apr, 2025. 12:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرخزانہ نے تنخواہ دار طبقے اور بجلی صارفین کو ریلیف دینے کی خوشخبری سنادی

اسلام آباد: وفاقی وزیر خزانہ محمد اورنگزیب نے آئندہ بجٹ میں تنخواہ دار طبقے اور بجلی صارفین کو ریلیف دینے کی خوشخبری سنا دی ہے۔

اس حوالے سے وفاقی وزیر خزانہ محمد اورنگزیب نے میڈیا سے غیر رسمی گفتگو کرتے ہوئے کہا کہ بجلی کے بلوں میں جولائی یا اس سے قبل مزید کمی کرنے پر کام جاری ہے، تنخواہ دار طبقے کو ریلیف کی تفصیلات آئی ایم ایف کو بتائی جائیں گی۔

انہوں نے کہا کہ بجٹ سازی کے لیے 98 فیصد تجاویز موصول، سرکاری و نجی شعبے مل کر کام کر رہے ہیں، یکم جولائی کو حتمی بجٹ نافذ کر دیا جائے گا، بعد میں کوئی تبدیلی نہیں ہوگی۔

محمد اورنگزیب نے کہا کہ آئی ایم ایف کی جانب سے دیے گئے تمام اہداف پورے کر لیے گئے ہیں، مئی میں آئی ایم ایف ایگزیکٹو بورڈ سے اسٹاف لیول معاہدے کی منظوری کی امید ہے۔

وزیر خزانہ کا کہنا ہے کہ تاجروں سے ٹیکس وصولی بہتر ہوئی ہے، تاجر دوست اسکیم کو ٹیکس وصولی سے نہ جوڑا جائے۔

انہوں نے مزید کہا کہ ٹیکس پالیسی شعبہ رواں سال وزارت خزانہ کے تحت کام شروع کر دے گا، ٹیکس دہندگان کے لیے خود سے بھرنے والا فارم تیار کیا جا رہا ہے۔