پی آئی اے اپنے نیٹ ورک کو وسعت دےرہاہے، باکو اس سلسلےکی ایک کڑی ہے، وزیردفاع

محمد کاشان صدیقی

20th Apr, 2025. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے اپنے نیٹ ورک کو وسعت دےرہاہے، باکو اس سلسلےکی ایک کڑی ہے، وزیردفاع

پی آئی اے نے برطانوی آپریشن کا باضابطہ اعلان کردیا

وزیر دفاع خواجہ آصف نے کہا کہ پی آئی اے اپنےنیٹ ورک کو وسعت دےرہاہے، باکو اس سلسلےکی ایک کڑی ہے۔

ترجمان پی آئی اے کے مطابق پی آئی اے نے لاہور سے باکو کے لیے پروازوں کا آغاز کردیا ہے، جس کی پہلی پرواز پی کے 159 لاہور سے152 مسافروں کو لےکر50۔11 پر روانہ ہوئی ہے۔

پرواز کی روانگی سے قبل لاہور ایئرپورٹ پر سادہ مگر باوقار تقریب کا انعقاد کیا گیا، جس میں وزیر دفاع خواجہ محمد آصف بحیثیت مہمان خصوصی شریک ہوئے۔

وزیر دفاع خواجہ محمد آصف نے تقریب سے خطاب کرتے ہوئے کہا کہ کچھ عرصہ قبل لوگوں کا خیال تھا کہ پی آئی اے مشکل سے کبھی باہر نہیں نکل سکے گی، مگر وزیر اعظم کی زیر قیادت جامع اصلاحاتی پروگرام کے بعد آج پی ائی اے اپنے قدموں پر کھڑی ہے۔

وزیر دفاع نے کہا کہ اس پرواز سے پاکستان اور آذربائیجان کے مابین تعلقات بہت مستحکم ہوں گے۔

خواجہ محمد آصف کا کہنا تھا کہ پی آئی اےکاعالمی ہوابازی کی صنعت میں بہت اہم کردارہوتاتھا، پی آئی اےکی بحالی کا آغاز ہم نے 2002 میں کیا، وزارت ہوابازی نے پی آئی اےکی بحالی کیلئے بہت محنت کی، پی آئی اےکیلئے نئےروٹس متعارف کرارہے ہیں۔

اس موقع پر پاکستان میں آذربائیجان کے سفیر جناب خضر فرہاد وف اور وزارت ہوابازی کے اعلیٰ حکام نے بھی خصوصی شرکت کی۔