پاکستان اور آئی ایم ایف کا اگلے بجٹ میں کاربن لیوی نافذ کرنے پر اتفاق

عمر حیات خان

18th Apr, 2025. 02:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور آئی ایم ایف کا اگلے بجٹ میں کاربن لیوی نافذ کرنے پر اتفاق

اسلام آباد: پاکستان اور عالمی مالیاتی فنڈ (آئی ایم ایف) کے درمیان اگلے بجٹ میں کاربن لیوی نافذ کرنے پر اتفاق ہوگیا ہے۔

ذرائع کے مطابق اگست 2026 تک ایک درجن سے زائد شرائط پر عمل درآمد کے لیے آئی ایم ایف کے مطالبات قبول کرلیے گئے ہیں۔

ذرائع کا کہنا ہے کہ 7.5 ارب روپے سے زائد لاگت کے تمام نئے انفراسٹرکچر منصوبوں کے پی سی ون فارمز پلاننگ کمیشن کی ویب سائٹ پر شائع کیے جائیں گے، منصوبوں کے جائزے اور ماحولیاتی اسکریننگ کے معیار کو بہتر بنایا جائے گا۔

ذرائع نے بتایا کہ ریزلینس اینڈ سسٹین ایبلٹی فیسیلٹی کے تحت 1.3 ارب ڈالر کے نئے قرض کے لیے اسٹاف سطح کا معاہدہ ہوا ہے، 1092 منصوبوں کے کل پی ایس ڈی پی سے 260 ترقیاتی اسکیمیں ختم کی جائیں گی۔

اس کے علاوہ پارلیمنٹرینز کے لیے ایس ڈی جیز پروگرام جاری رہے گا، تاہم موجودہ مالی سال کے پہلے آٹھ مہینوں میں پارلیمنٹرینز کی اسکیموں پر 35 ارب روپے خرچ ہوئے۔

ذرائع کا مزید کہنا ہے کہ وفاقی حکومت کے بجٹ ٹیگنگ سسٹم کو گرانٹس اور سبسڈی پر خرچ کو شامل کرنے کے لیے وسیع کیا جائے گا اور اسی طریقہ کار کو صوبائی حکومتوں کی جانب سے اخراجات کی ٹیگنگ تک بڑھایا جائے گا۔