قومی اسمبلی میں حکومت کی اہم قانون سازی متاثر ہونے کا خدشہ

ملک سعید اعوان

14th Apr, 2025. 03:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

قومی اسمبلی میں حکومت کی اہم قانون سازی متاثر ہونے کا خدشہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق
واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان

Now Reading:

قومی اسمبلی میں حکومت کی اہم قانون سازی متاثر ہونے کا خدشہ

اسلام آباد: قومی اسمبلی میں حکومت کی اہم قانون سازی متاثر ہونے کا خدشہ ہے۔

ذرائع کے مطابق فرنٹ ڈور کی ناکامی پر حکومت کے پی پی سے بیک ڈور رابطے کیے جارہے ہیں، حکومت باہمی دوستوں کے ذریعے رابطے کر رہی ہے۔

پی پی ذرائع نے بتایا کہ وفاقی حکومت پیپلزپارٹی کو منانے میں تاحال ناکام ہے، تاہم پیپلزپارٹی نے پارلیمان میں خاموش احتجاج جاری رکھنے کا فیصلہ کیا ہے۔

ذرائع کا کہنا ہے کہ قومی اسمبلی کا آج ہونے والا اجلاس بھی متاثر ہونے کا خدشہ ہے، پی پی اسمبلی بزنس چلانے میں حکومت سے تعاون نہیں کرے گی۔

ذرائع کے مطابق پیپلزپارٹی قومی اسمبلی اجلاس کا کورم مکمل نہیں ہونے دے گی، پیپلزپارٹی قومی اسمبلی میں کورم کی نشاندہی نہیں کرے گی، کورم کی نشاندہی پر پی پی اراکین ایوان سے لابی میں چلے جائیں گے۔

ذرائع کا کہنا ہے کہ قومی اسمبلی میں حکومت کی اہم قانون سازی متاثر ہونے کا خدشہ ہے، تاہم قومی اسمبلی کے آج کے اجلاس کا بیس نکاتی ایجنڈا جاری ہوچکا ہے، اجلاس میں قائمہ کمیٹیوں کی رپورٹس پیش کی جائیں گی اور وقفہ سوالات، توجہ دلاؤ نوٹسز پیش کیے جائیں گے۔

ذرائع نے مزید بتایا کہ قومی اسمبلی اجلاس میں اراکین نئے اور ترامیمی بلز پیش کریں گے جبکہ صدارتی خطاب پر بحث بھی اجلاس کے ایجنڈے میں شامل ہے۔