نوجوانوں کو مختلف شعبوں میں مواقع دینا ترجیحات میں شامل ہے، رانا مشہود

ویب ڈیسک

21st Apr, 2025. 02:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوجوانوں کو مختلف شعبوں میں مواقع دینا ترجیحات میں شامل ہے، رانا مشہود

چیئرمین وزیراعظم یوتھ پروگرام رانا مشہود نے کہا ہے کہ نوجوان ملک کا سرمایہ ہیں، نوجوانوں کو مختلف شعبوں میں موقع دینا ترجیحات میں شامل ہے۔

پشاور میں ایک تقریب سے خطاب کرتے ہوئے رانامشہود نے کہا کہ ن لیگ نے پاکستان کو شام، عراق، لیبیا یا مصرنہیں بننے دیا، ہم نے پاکستان کو فلسطین کی طرح بےیارومددگار نہیں ہونے دیا، ہم نے اپنی معیشت کو مضبوط کر کے دنیا کا رخ پاکستان کی طرف کردیا ہے۔

انہوں نے کہا کہ ملک میں انتشار وقتی طور پر نظرآرہا ہے، ہماری سرحدیں محفوظ ہیں، پاکستان کو شام،عراق، لیبیا نہیں بننے دیں گے، پاکستان ترقی کی منزلیں طے کررہا ہے۔

رانامشہود نے کہا کہ معیشت مضبوط ہوچکی، اب ملک کوپائیدارترقی کی طرف لیکر جانا ہے، پاکستان ترقی کرے گا تو عوام خوشحال ہوگی، انتشار اور فساد کی سیاست کسی کے حق میں بہتر نہیں۔

چیئرمین وزیراعظم یوتھ پروگرام نے مزید کہا کہ وزیراعظم اور ان کی ٹیم ملک کواستحکام کی جانب لے کرآرہے ہیں، خیبرپختونخوا کے لوگوں کو مایوس نہیں ہونے دیں گے، مسلم لیگ ن سیاسی مفادسے بالاتر ہوکر سیاست کرنے پر یقین رکھتی ہے۔