کراچی، بھینس کالونی میں تین منزلہ عمارت منہدم ہونے سے بچی جاں بحق، دو افراد زخمی

ویب ڈیسک

29th Apr, 2025. 11:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، بھینس کالونی میں تین منزلہ عمارت منہدم ہونے سے بچی جاں بحق، دو افراد زخمی

شہر قائد کے علاقے بھینس کالونی میں واقع ایک تین منزلہ رہائشی عمارت کا ایک حصہ اچانک منہدم ہو گیا، جس کے نتیجے میں 10 سالہ بچی جاں بحق جبکہ ایک خاتون اور ایک مرد زخمی ہو گئے۔

واقعہ بھینس کالونی کی اولڈ بستی میں روڈ نمبر 8 کے قریب پیش آیا۔

ریسکیو 1122 کے مطابق اطلاع ملتے ہی امدادی ٹیمیں فوری طور پر جائے وقوعہ پر پہنچ گئیں اور ریسکیو آپریشن کا آغاز کیا۔

ملبے سے 50 سالہ خاتون کمال اور 55 سالہ عاشق کو زخمی حالت میں نکال کر ابتدائی طبی امداد کے لیے قریبی اسپتال منتقل کر دیا گیا۔

ریسکیو ترجمان کے مطابق ملبہ ہٹانے کے دوران ایک 10 سالہ بچی کی لاش برآمد ہوئی، جس کی شناخت دعا کے نام سے کی گئی ہے۔ بچی کی میت کو ضابطے کی کارروائی کے بعد جناح اسپتال منتقل کر دیا گیا ہے۔

پولیس حکام کا کہنا ہے کہ ابتدائی اطلاعات کے مطابق حادثے کے وقت عمارت میں محدود تعداد میں افراد موجود تھے، تاہم ملبہ مکمل ہٹانے کے بعد ہی صورتحال کی مکمل تصویر سامنے آ سکے گی۔