کراچی میں ٹریفک حادثات کا بڑھتا ہوا سلسلہ تھم نہ سکا، رواں سال 256 افراد جاں بحق

ویب ڈیسک

09th Apr, 2025. 06:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی میں ٹریفک حادثات کا بڑھتا ہوا سلسلہ تھم نہ سکا، رواں سال 256 افراد جاں بحق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق
واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان
الجومَیع کی دیوانگی، کراچی کو یرغمال بنالیا گیا، ریاستِ پاکستان کی عزت داؤ پر

Now Reading:

کراچی میں ٹریفک حادثات کا بڑھتا ہوا سلسلہ تھم نہ سکا، رواں سال 256 افراد جاں بحق

شہر قائد میں رواں سال کے آغاز سے اب تک ٹریفک حادثات میں جاں بحق ہونے والے افراد کی تعداد 256 ہو چکی ہے۔ ان حادثات میں ہیوی گاڑیوں، ڈمپرز، ٹرالرز اور بسوں کی ٹکر سے متعدد قیمتی جانیں ضائع ہو چکی ہیں۔

آج ہونے والے افسوسناک واقعہ میں کورنگی ویٹا چورنگی کے قریب ایک ٹرالر نے موٹر سائیکل سوار شہری کو کچل دیا۔

پولیس نے فوری کارروائی کرتے ہوئے ٹرالر ڈرائیور کو حراست میں لے لیا۔ متوفی شہری عدنان سیکیورٹی ادارے کا اہلکار تھا۔

کراچی میں گزشتہ 99 دنوں میں ہیوی گاڑیوں کی ٹکر سے جاں بحق ہونے والوں کی تعداد 78 تک پہنچ گئی ہے۔ ان میں تیز رفتار ڈمپرز اور ٹرالرز شامل ہیں جنہوں نے متعدد شہریوں کی زندگیوں کو لقمہ اجل بنایا۔

ریسکیو ذرائع کے مطابق تیز رفتار ڈمپرز کی ٹکر سے 18 افراد کی ہلاکت ہوئی، جبکہ واٹر ٹینکرز کے حادثات میں 17 افراد جان سے ہاتھ دھو بیٹھے۔

کراچی میں مزدا گاڑی کے نیچے کچلے جانے سے 6 افراد جان کی بازی ہار گئے، جبکہ چیختی چنگھاڑتی بسوں کی ٹکر سے 8 افراد کی ہلاکت ہوئی۔

ریسکیو ذرائع کے مطابق ان تمام حادثات میں ٹریفک قوانین کی خلاف ورزی اور غیر محتاط ڈرائیونگ کی وجہ سے اموات ہوئیں۔