کراچی میں گرمی اور ہیٹ ویو کا خطرہ، محکمہ موسمیات نے الرٹ جاری کر دیا

ویب ڈیسک

25th Apr, 2025. 09:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی میں گرمی اور ہیٹ ویو کا خطرہ، محکمہ موسمیات نے الرٹ جاری کر دیا
افغانستان آگ اور خون کا کھیل کھیل رہا ہے، بھارت کی طرح دماغ ٹھکانے آ جائے گا، محسن نقوی
پاک فضائیہ حرکت میں آگئی، کابل سمیت اہم افغان شہروں پر جنگی طیاروں اور ڈرونزکی پروازیں
افغانستان کا بلا اشتعال حملہ، پاکستان کا بھرپورجوابی وار، متعدد چوکیاں تباہ، کئی افغان فوجی اور خوارجی ہلاک

Now Reading:

کراچی میں گرمی اور ہیٹ ویو کا خطرہ، محکمہ موسمیات نے الرٹ جاری کر دیا

کراچی کا موسم آج کیسا رہے گا؟ محکمہ موسمیات نے خبردار کردیا

محکمہ موسمیات نے کراچی سمیت سندھ بھر میں شدید گرمی کی لہر کی پیشگوئی کی ہے اور بتایا ہے کہ ملک بھر میں 30 اپریل تک ہیٹ ویو کا امکان ہے۔

ترجمان محکمہ موسمیات انجم نذیر نے کہا ہے کہ اس دوران درجہ حرارت اوسط سے 3 سے 4 ڈگری زیادہ محسوس ہو گا۔

انجم نذیر کے مطابق اس شدید گرمی کے سبب سانس لینے میں دشواری کا سامنا ہو سکتا ہے، خصوصاً سندھ کے اکثر علاقوں میں، جہاں درجہ حرارت 48 سے 49 ڈگری سینٹی گریڈ تک پہنچنے کی توقع ہے۔

محکمہ موسمیات نے خبردار کیا ہے کہ ہفتہ، اتوار اور پیر کو سندھ میں ہیٹ ویو اپنے عروج پر ہو گی۔

کراچی کے بارے میں بات کرتے ہوئے، انجم نذیر نے واضح کیا کہ شہر میں ہیٹ ویو کی صورتحال نہیں ہو گی، تاہم یہاں نمی کا تناسب زیادہ رہے گا، جس کی وجہ سے محسوس ہونے والا درجہ حرارت معمول سے زیادہ ہو گا۔

انہوں نے مزید کہا کہ موسمیاتی تبدیلیوں کے باعث پاکستان کا موسم تیزی سے تبدیل ہو رہا ہے، جس کے نتیجے میں سردیوں کا موسم کم اور گرمیوں کا موسم طویل ہوتا جا رہا ہے۔

محکمہ موسمیات نے عوام کو احتیاطی تدابیر اختیار کرنے کی ہدایت کی ہے اور بتایا ہے کہ اس دوران پانی کا زیادہ استعمال اور دھوپ سے بچاؤ ضروری ہو گا تاکہ صحت کے مسائل سے بچا جا سکے۔