بلوچستان کی ساحلی پٹی پر پاک بحریہ کا ایک اور اہم سنگِ میل

ویب ڈیسک

16th Apr, 2025. 10:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان کی ساحلی پٹی پر پاک بحریہ کا ایک اور اہم سنگِ میل

بلوچستان کی ساحلی پٹی کے رہائشیوں کی فلاح و بہبود کے لیے پاک بحریہ نے ایک اور اہم سنگِ میل عبور کرلیا ہے۔

آئی ایس پی آر کے مطابق اورماڑہ میں قائم پاک بحریہ کے اسپتال، پی این ایس درمان جاہ میں جدید سہولیات سے آراستہ نئے بلاک کا افتتاح کردیا گیا ہے۔

چیف آف دی نیول اسٹاف ایڈمرل نوید اشرف تقریب کے مہمانِ خصوصی تھے۔

نو تعمیر شدہ بلاک میں جدید آپریشن تھیٹر کمپلیکس، آئی سی یو، گائنی یونٹ، شعبہ اطفال اور نوزائیدہ بچوں کے لیے نیونٹل آئی سی یو شامل ہے۔

اس موقع پر نیول چیف ایڈمرل نوید اشرف نے گفتگو کرتے ہوئے کہا کہ پی این ایس درمان جاہ جدید طبی سہولیات کے ساتھ مقامی افراد کی خدمت جاری رکھے گا۔

انہوں نے مزید کہا کہ پاک بحریہ، بحری سرحدوں کے دفاع کے ساتھ ساتھ ساحلی عوام کی فلاح و بہبود کے لیے تمام وسائل بروئے کار لاتی رہے گی۔

تقریب میں اعلیٰ سول و عسکری حکام اور مقامی معززین نے بھی شرکت کی۔