بانی پی ٹی آئی کی بہنوں کی گرفتاری کا معاملہ ڈرامہ نکلا

ویب ڈیسک

08th Apr, 2025. 07:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بانی پی ٹی آئی کی بہنوں کی گرفتاری کا معاملہ ڈرامہ نکلا
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

بانی پی ٹی آئی کی بہنوں کی گرفتاری کا معاملہ ڈرامہ نکلا

لاہور: وزیر اطلاعات پنجاب عظمیٰ بخاری نے بانی پی ٹی آئی کی بہنوں کو گرفتار کرنے کی تردید کردی۔

وزیر اطلاعات پنجاب عظمیٰ بخاری نے بانی پی ٹی آئی کی بہنوں کی گرفتاری کی تردید کرتے ہوئے کہا کہ پنجاب پولیس نے علیمہ خان اور دیگر خواتین کو گرفتار نہیں کیا۔

عظمیٰ بخاری نے بتایا کہ علیمہ خان اور ان کی ہم خیال خواتین نے پولیس کی گاڑی سے ’’اوبر سروس‘‘ حاصل کی اور خود ہی پولیس وین میں بیٹھ کر خواجہ سروس اسٹیشن پر پہنچیں، جہاں وہ خود ہی گاڑی سے اترگئیں۔

انہوں نے کہا کہ اس واقعے کی فوٹیج سے اس ڈرامے کی حقیقت واضح ہو رہی ہے جس کے ذریعے بانی پی ٹی آئی سے جھوٹی ہمدردیاں جتانے کی کوشش کی گئی۔

وزیر اطلاعات پنجاب کا کہنا تھا کہ بانی پی ٹی آئی شاہی انداز میں جیل کاٹ رہے ہیں اور بشریٰ بی بی کو جیل میں بی کلاس ملنے کے باوجود بہترین سہولتوں کا مطالبہ کیا جارہا ہے۔

عظمیٰ بخاری کہتی ہیں کہ اڈیالہ جیل کے باہر فتنے اور فساد کے نام نہاد چیلے رنگبازی کررہے ہیں جو کہ ایک اور فلاپ شو ہے۔

وزیر اطلاعات نے اس بات پر بھی زور دیا کہ ایک طرف یہ لوگ معافیاں مانگتے ہیں اور دوسری طرف سازشیں کرتے ہیں۔

عظمیٰ بخاری نے مزید کہا کہ تحریک فساد کا کارکن ان کی فسادی سیاست سے تنگ آچکا ہے اور اب لیڈرشپ کے انقلاب کے وعدے کی حقیقت بھی سامنے آچکی ہے جب کہ کارکن سڑکوں پر ذلیل ہوچکے ہیں۔