کینالز مسئلہ بات چیت سے حل کیا جائے، رانا ثناء اللہ اور شرجیل میمن میں اتفاق

ویب ڈیسک

20th Apr, 2025. 12:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینالز مسئلہ بات چیت سے حل کیا جائے، رانا ثناء اللہ اور شرجیل میمن میں اتفاق

کراچی: وزیراعظم کے مشیر برائے سیاسی امور رانا ثناء اللہ نے سندھ کے سینئر وزیر شرجیل انعام میمن سے ٹیلی فون پر رابطہ کیا ہے۔

ٹیلیفونک رابطے کے دوران رانا ثناء اللہ اور شرجیل انعام میمن نے اتفاق کیا کہ ملاقات کر کے کینالز کے مسئلے کو بات چیت سے حل کیا جائے۔

رانا ثناء اللہ نے گفتگو کرتے ہوئے کہا کہ کینالز کے معاملے پر سندھ کے ساتھ مذاکرات کے لیے تیار ہیں، وزیر اعظم شہباز شریف اور میاں نواز شریف نے ہدایت دی ہے کہ سندھ کے تحفظات کا خاتمہ کیا جائے۔

دوسری جانب شرجیل انعام میمن کا کہنا تھا کہ سندھ حکومت کینالز کے معاملے پر ہر فورم پر اپنا مؤقف پیش کر چکی ہے، پیپلز پارٹی اور سندھ کے عوام کو متنازعہ کینالز پر شدید تحفظات ہیں۔

ٹیلیفونک گفتگو کے دوران شرجیل میمن نے مزید کہا کہ پاکستان پیپلز پارٹی سندھ کے عوام کے لئے 1991 کے معاہدے کے تحت پانی کی منصفانہ تقسیم چاہتی ہے، پیپلز پارٹی بھی کینالز کے معاملے پر وفاقی حکومت سے مذاکرات کے لیے تیار ہے۔