پہلگام حملہ پاکستان کیخلاف طے شدہ منظم بھارتی سازش ہے ،شیری رحمان

ویب ڈیسک

23rd Apr, 2025. 11:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پہلگام حملہ پاکستان کیخلاف طے شدہ منظم بھارتی سازش ہے ،شیری رحمان

مودی سرکار کو سچ کڑوا لگنے لگا، پی پی رہنما شیری رحمان کا ایکس اکاؤنٹ بھی بلاک

پیپلزپارٹی کی رہنما شیری رحمان نے کہاہے کہ پہلگام واقعے کے 10 منٹ بعد ہی بھارت نے پاکستان کے خلاف زہر اگلنا شروع کردیا اورالزمات عائد کردیے ،یہ عالمی سطح پر پاکستان کو کٹہرے میں لانے کی سوچی سمجھی منںظم بھارتی سازش لگتی ہے۔
بول نیوزکے پروگرام ’’ایسے نہیں چلے گا‘‘ میں اینکر پرسن مہ رخ شہریار سے خصوصی گفتگوکرتے ہوئے انہوں نے کہاکہ پہلگام میں دہشتگردی کا واقعہ قابل مذمت ہے،یہ بھارت کے اندورنی معاملات ہیں جس کا خمیازہ بھارتی سرکار بھگت رہی ہے۔
انہوں نے کہاکہ اپنی ناکامی چھپانے یاامریکی نائب صدر کی بھارت میں موجودگی کا فائدہ اٹھا نے کے لئے پاکستان کے خلاف منظم سازش رچی گئی ہے۔
شیری رحمان نے مزید کہا کہ اگرمودی سرکار کے پاس کوئی شواہدموجودہوتے توعالمی سطح پرشیئر کرتی مگر بھارت نے ایسا نہیں کیا ، الٹاچور کوتوال کو ڈانٹے کی مصداق بھارت ہمیشہ ہرواقعے کا ذمے دار پاکستان کو قرار دے دیتاہے ،دہشتگردی کے واقعات پاکستان میں بھی ہوتے رہے ہیں مگر پاکستان نے کبھی اس طرح کا رویہ اختیار نہیں کیا۔
انہوں نے کہا بھارتی حکومت نے دہشتگردی کے اس واقعے کے فوراً بعد طے شدہ پروپیگنڈہ شروع کردیا اورپاکستان کے خلاف منفی بیانیہ اختیار کرلیا۔