ملک بھر کیلئے پٹرولیم لیوی کی مد میں بجلی سستی کرنے کی منظوری

ملک سعید اعوان

10th Apr, 2025. 04:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر کیلئے پٹرولیم لیوی کی مد میں بجلی سستی کرنے کی منظوری

کراچی سمیت ملک بھر کے لیے پٹرولیم لیوی کی مد میں بجلی سستی کرنے کی منظوری دے دی گئی ہے۔

نیپرا نےبجلی ایک روپے 71 پیسے فی یونٹ سستی کرنے کی حکومتی درخواست منظور کرتے ہوئے بجلی سستی کرنے کا فیصلہ وفاقی حکومت کو بھجوادیا۔

فیصلہ کے مطابق بجلی کی قیمت میں کمی کا اطلاق اپریل سے جون 2025 کے لیے ہوگا، بجلی کی قیمت میں کمی کے الیکٹرک سمیت ملک بھر کے صارفین کے لیے ہوگی، جبکہ بجلی کی قیمت میں کمی کا اطلاق لائف لائن صارفین پر نہیں ہوگا۔

وفاقی حکومت نے بجلی ایک روپے 71 پیسے فی یونٹ سستی کرنے کی درخواست نیپرا میں جمع کرائی تھی، نیپرا نے دائر درخواست پر 4 اپریل کو سماعت کی تھی۔

واضح رہے کہ وفاقی حکومت نے گزشتہ ماہ پٹرول اور ہائی اسپیڈ ڈیزل پر پٹرولیم لیوی میں 10 روپے فی لیٹر اضافہ کرتے ہوئے پٹرولیم لیوی کی مد میں بجلی کی قیمت میں کمی کا ریلیف عوام کو پہنچانے کا فیصلہ کیا تھا۔