وزیراعظم دو روزہ سرکاری دورے پر ترکیہ پہنچ گئے

ویب ڈیسک

22nd Apr, 2025. 06:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم دو روزہ سرکاری دورے پر ترکیہ پہنچ گئے

انقرہ: وزیراعظم شہباز شریف دو روزہ سرکاری دورے پر ترکیہ پہنچ گئے ہیں۔

وزیراعظم محمد شہباز شریف دو روزہ سرکاری دورے پر ترکیہ کے دارالحکومت انقرہ پہنچ گئے، جہاں ان کا پرتپاک استقبال کیا گیا۔

انقرہ انٹرنیشنل ایئرپورٹ پر ترکیہ کے وزیر دفاع، ڈپٹی گورنر انقرہ، صدر ترکیہ کلچرل ایسوسی ایشن اور دیگر اعلیٰ حکام نے وزیراعظم کا استقبال کیا۔

وزیراعظم شہباز شریف دورے کے دوران ترک صدر رجب طیب اردوان سے اہم ملاقات کریں گے جب کہ دونوں رہنما دو طرفہ تعلقات، علاقائی صورتحال اور عالمی امور پر تفصیلی تبادلہ خیال کریں گے۔

ملاقات کے بعد وزیراعظم اور ترک صدر مشترکہ پریس کانفرنس سے خطاب بھی کریں گے۔

وزیراعظم اپنے دورے کے دوران ترک سرمایہ کاروں اور کاروباری وفود سے بھی ملاقات کریں گے جس کا مقصد پاکستان میں سرمایہ کاری کے مواقع کو اجاگر کرنا اور اقتصادی تعاون کو مزید فروغ دینا ہے۔

وزیراعظم کے ہمراہ وفد میں نائب وزیراعظم، وزیر اطلاعات اور وزیراعظم کے معاون خصوصی طارق فاطمی بھی شامل ہیں۔