لاہور: وزیر اعلیٰ پنجاب مریم نواز شریف نے کہا ہے کہ کھیل کے لئے تمام ممکنہ وسائل مہیا کیے جائیں گے۔

وزیر اعلیٰ مریم نواز نے ترقی اور امن کے لیے کھیلوں کے عالمی دن پر پیغام دیتے ہوئے کہا کہ کھیل اور امن کا عالمی دن دنیا منانے کا مقصد معاشرے میں کھیلوں کے مثبت کردار کو اجاگر کرتا ہے، نوجوانوں، معمر افراد، معذور افراد اور دیگر پسماندہ علاقوں کے ہر نوجوان کو اسپورٹس کے مساوی مواقع مہیا کیے جارہے ہیں۔

انہوں نے کہا کہ اسپورٹس ایونٹس معاشرے میں امن اور ترقی کی راہ ہموار کرتے ہیں، ہر کمیونٹی کی سماجی ترقی اور امن کو فروغ دینے کے لیے امن کے طورپر منایا جاتا ہے۔

مریم نواز نے کہا کہ امن اور کھیل لازم و ملزوم ہیں امن ہوگا تو کھیل ہوں گے، کھیلوں کا عالمی دن منانے کا مقصد دنیا میں امن کا فروغ ہے، کھیل نوجوانوں میں ٹیم ورک، مسابقت اور برداشت پیدا کرنے میں اہم کردار ادا کرتا ہے۔

انکا کہنا تھا کہ پنجاب میں کھیلوں کے فروغ کے لئے کھیلتا پنجاب پروگرام شروع کیا گیا ہے، پنجاب میں پنک گینز امن اور مساوی ترقی کا استعارہ ہیں، حکومت کھیلوں کے فروغ کے لئے گراؤنڈ اور جمنیزیم بنا رہی ہے۔

وزیراعلیٰ نے مزید کہا کہ پنجاب میں300 گراؤنڈ اور اسپورٹس کمپلیکس بنانے کیلئے اقدامات کیے جارہے ہیں، اسپورٹس انڈوومنٹ فنڈ ز کو مزید بڑھا ئیں گے، کھیل کے لئے تمام ممکنہ وسائل مہیا کیے جائیں گے۔